Psalms 108
La khat. David phuah phatna-la khat
1 Pasian aw, ka lungsim kip hi;ka hinna khempeuhin la sa-in ka gingsak ding hi. a
2 Harp le lyre khanglo dih un! b
Zingsang phalvak ka phong ding hi.
3 TOPA aw, minamte lakah nang kong phat dinga;
mite lakah nang, la-in kong sa ding hi.
4 Ahang in, na itna lianin, vante sangin sangzaw a;
na muanhuaina in huih khuate a ban hi. c
5 Pasian aw, vante tunglam ah hong kitawisang henla, d
na minthanna leitung teng dim hen. e
6 Na itte a kihutkhiat theih nadingin
na khut taklamin kote hong hon inla hong huh in. f
7 Pasian in ama munsiangtho panin: g
“Gualzo-in Shechem ka phelkham dinga, h
Succoh Kuam ka tehkhia ding hi. i
8 Gilead kei aa hi-a, Manasseh kei aa ahi hi;
Ephraim ka siklukhu hi a,
Judah ka ciangkhut ahi hi. j
9 Moab ka kisilna tuikuangpi hi-a,
Edom tungah ka khedap kaih ka sing a; k
Philistia tungah gualzo in ka kiko hi,” ci-in gen khin hi. l
10 Kua in kulh nei khuapi ah kei hong puak ding ahi hiam?
Kua in Edom hong tunpih ding hiam?
11 Pasian aw, kote hong nolh a,
ka galkapte uh a kuanpih nawn lo, nang hi lo na hi hiam? m
12 Mihing huhna man nei lo ahi manin n
kote galdona ah hong huh in.
13 Pasian tawh eite i gualzo dinga,
amah in i galte a tuancil ding hi. o
Copyright information for
ZomZIV